Merezi eta beharrezkoa genuen atsedena izan dugu errimak oinetaneko kideok. Urte osoa lanean pasa ondoren, eta estreinaldien giraren ondoren, atsedena behar zuten gure errimak eta ixiltasuna behar zuten gure oinak.
Indarberrituak itzuli gara Artelekuko ensaio geletara baina. Taldekide berriak tarteko, errimak eta oinak, airean jartzeko irrikaz gaude.
Ikasturte berria irailaren 8an hasiko dugu Uztapide handiaren herrian, Zestoan.
Eszenario berri bat izango da Zestoako pilotalekua. Estreinaldi gira antzokietan hasi genuen arren, gure dantza ez dugu antzokietara mugatu nahi. Bertsoa eta dantza, leku guztietan egokitu litezkela uste dugulako. Bertsolarien urteroko plazan jarriko ditugu errimak dantzan, frontoiaren soiltasunean idatziko ditugu dantzak.
Larunbatean beraz, nahi dugun neurri eta doinuan jardungo gara Zestoan. Gaia jarri nahi?
Bertsolariek sentipen eta emozioak harilkatzen dituzte entzuleengan. Baina entzule horiek dantzariak balira? Nola adieraziko lukete belarrietatik jasotako zirrara errimatua oin puntetan menperatzen duten dantzaren bidez? Galdera horren erantzuna da “errimak oinetan”, bertsolaritza oinarri duen dantza emanaldia. Haatik dantza konpainiak jarri ditu oinak errimetan eta errimak oinetan. Dantza berriak, bertsoei jarriak.
No hay comentarios:
Publicar un comentario